|
 Yn dilyn Cyfarfod Cyffredinol a Rali Genedlaethol lwyddiannus yn Aberystwyth, gyda dros 100 o bobl yn bresennol, cafodd chwech aelod o Gymdeithas yr Iaith Gymraeg eu harestio. Yn gyntaf fe arestiwyd Menna Machreth, Cadeirydd Cymdeithas yr Iaith Gymraeg a Rhys Llwyd yr Is- Gadeirydd Ymgyrchu am beintio'r slogan 'MESUR IAITH CYFLAWN' ar wal adeilad newydd y Cynulliad Cenedlaethol yn Aberystwyth. Yna wrth i hanner cant o aelodau ddangos eu cefnogaeth drwy arwyddo eu henwau ar y wal fe arestiwyd pedwar person arall sef Bethan Williams arweinydd ymgyrch Deddf Iaith y Gymdeithas, Siriol Teifi, Cadeirydd Cell Pantycelyn Cymdeithas yr iaith Gymraeg a dau fachgen yn eu harddegau.
25 Hydref 2008
| Mwy...
|
|
Gig PRS - Cymdeithas yr Iaith yn cefnogi Cerddorion Cymru
Gai Toms
Wyrligigs
Y Bandana
£5, Nos Sadwrn 25ain o Hydref
Tafarn y Cwps, Aberystwyth
Bydd cynnig yn cael ei gyflwyno yn gynharach yn y dydd - yng Nghyfarfod Cyffredinol Cymdeithas yr Iaith - yn trafod sut y gall Cymdeithas yr Iaith gefnogi Cyfansoddwyr a Chyhoeddwyr Cymru yn erbyn penderfyniad y PRS i dorri breindaliadau'r diwydiant cerddoriaeth yng Nghymru. Fel cam bach cychwynnol, bydd 1/2 unrhyw elw y gwneir ar y noson yn cael ei gyfrannu at Y Gynghrair (Gynghrair Cyhoeddwyr a Chyfansoddwyr Cerddoriaeth Cymru).
25 Hydref 2008
|
|
|
RALI FLYNYDDOL
Mesur Iaith Cyflawn - Y Rhybudd Olaf!
2pm, Dydd Sadwrn Hydref 25ain 2008
Canolfan Morlan, Aberystwyth
Tudalen Facebook
* Statws Swyddogol
* Comisiynydd Iaith
* Hawliau i ddefnyddio'r Gymraeg yn ein bywydau pob dydd
Dyna yw'r tri pheth sydd yn gwbwl angenrheidiol mewn Mesur Iaith Cyflawn. Mae Llywodraeth y Cynulliad wedi addo Mesur o'r fath i ni yn y ddogfen Cymru'n Un. A nawr daeth yn amser i ni bwyso'n derfynol am weld gwireddu'r addewid hon. Fe dorrodd y llywodraeth ei gair ar fater y Papur Dyddiol Cymraeg. Peidiwch a gadael iddi wneud hynny eto ar fater y Mesur Iaith.
Dewch i Rali Genedlaethol Flynyddol Cymdeithas yr Iaith yng Nghanolfan Y Morlan, Aberystwyth ar ddydd Sadwrn Hydref 25 am 2 o'r gloch er mwyn dangos i'r llywodraeth mai hwn yw'r Rhybudd Olaf. Nid ydym am gael ein siomi y tro hwn. Dewch i'r rali i ddangos ein bod o ddifri am ddyfodol y Gymraeg ac nad ydym yn barod i ddioddef rhagor o oedi a gwamalu ar y pwnc pwysig hwn.
Siaradwyr yn y Rali
Gwion Lewis
Cyfreithiwr ac awdurdod rhyngwladol ar hawliau ieithyddol. Bu'n astudio'r berthynas rhwng ieithoedd lleiafrifol a'r gyfraith. Ffrwyth yr ymchwil hwnnw yw ei gyfrol 'Hawl i'r Gymraeg', achosodd y fath gyffro pan gafodd ei lansio yn yr Eisteddfod Genedlaethol eleni. Daeth rhai o gyfreithwyr blaenaf Cymru i'r lansiad hwnnw ac fe ganmolwyd y gyfrol gan neb llai na Gwilym Owen. Llyfr cwbwl anhepgor i unrhyw un sy'n ymddiddori yn frwydr dros ddyfodol y Gymraeg.
Elin Haf Gruffydd Jones
Cyfarwyddwr Mercator a darlithydd ym Mhrifysgol Cymru, Aberystwyth. Mae hi yn awdurdod a'r ieithoedd llai eu defnydd ac yn gyfarwydd iawn â'r sefyllfa ieithyddol yng Ngwlad y Basg, gwlad sydd wedi dangos y ffordd i ni yng Nghymru drwy basio Deddf Iaith yn ddiweddar sy'n ymestyn i'r Sector Breifat.
Hywel Griffiths
Hywel, fydd yn cadeirio'r rali. Ef hefyd yw Cadeirydd Cymdeithas yr Iaith ac fe enillodd y goron yn yr Eisteddfod Genedlaethol eleni.
Dewch i'r Rali yn Aberystwyth i fynnu fod Llywodraeth y Cynulliad yn cadw ei gair ac yn dangos i'r byd ei bod o ddifri am ddyfodol y Gymraeg.
Canolfan Y Morlan, Morfa Mawr, Aberystwyth, Ceredigion SY23 2HH.
25 Hydref 2008
|
|
|
CYFARFOD CYFFREDINOL
10.30am>1pm, Dydd Sadwrn Hydref 25ain 2008
Canolfan Morlan, Aberystwyth
Trefn y Diwrnod - 10.00am - Croeso a Phaned
- 10.30am - Adroddiad Ariannol ac Adroddiad Buddsoddi yn y Gymuned (Danny Grehan a Sel Jones).
- 10.50am - Cynigion Addysg x3
- 11.20am - Cynnig Cymunedau Rhydd
- 11.30am - Cynnig Deddf Iaith
- 11.40am - Cynnigion Cyffredinol x2
- 12.00pm - Cynigion Brys
- 12.15pm - Trafodaeth a Chynnig Arbennig ar y Sin Gerddorol yng Nghymru a'r PRS.
- 12.40pm - Cyhoeddi canlyniadau etholiad am le ar Senedd Cymdeithas yr Iaith Gymraeg + Etholiadau ar gyfer swyddi gwag ar y Senedd.
- 12.50pm - Araith Cadeirydd Cymdeithas yr Iaith Gymraeg 2008 –2009
- 1.00pm - Torri i Ginio
- Pwyswch yma i ddarllen y cynigion (pdf - 72kb)
2.00pm - RALI GENEDLAETHOL FLYNYDDOL
MESUR IAITH CYFLAWN - Y RHYBUDD OLAF
Elin Haf Gruffydd Jones, Gwion Lewis, Hywel Griffiths
Canolfan Morlan, Aberystwyth gyda gorymdaith i ddilyn at Adeilad y Cynulliad yn y dre.
4.00pm - Gem bel – droed yng Nghanolfan Hamdden Aberystwyth
Cerddorion Cymru v Cymdeithas yr Iaith
Croeso i bawb ymuno!
8.00pm - Gig PRS - Cymdeithas yr Iaith yn cefnogi Cerddorion Cymru
Gai Toms, Wyrligigs, Y Bandana
Tafarn y Cwps, Aberystwyth, £5, Nos Sadwrn 25ain o Hydref
25 Hydref 2008
|
|
|
Nos Wener Hydref 24 am 7.30pm
Yn Ystafell 5, Y Cambria, Rhodfa'r Môr, Aberystwyth.
Gwahoddedigion arbennig: Gwilym a Megan Tudur
Cyfarchion gan Feirdd ac eraill
Gwin i bawb.
24 Hydref 2008
|
|
|
 Yn eu Cyfarfod Cyffredinol gynhelir yng Nghanolfan Morlan, Aberystwyth bore dydd Sadwrn Hydref 25 bydd Hywel Griffiths sydd wedi bod yn gadeirydd y Gymdeithas ers Mis Mawrth 2007 yn rhoi'r gorau i'w swydd, ac fe etholir Menna Machreth, sy'n sefyll yn ddiwrthwynebiad i gymryd ei le.
21 Hydref 2008
| Mwy...
|
|
 Fe fydd aelodau o Gymdeithas yr Iaith yn picedi y tu fas i Banc Abbey yng Nghaerfyrddin ac yn Aberystwyth bore dydd Sadwrn y 18/10 am 11am. Cynhelir y picedi fel rhan o ymgyrch y Gymdeithas i atgoffa Llywodraeth y Cynulliad fod yn rhaid cynnwys y sector breifat o fewn unrhyw fesur iaith. Mae hyn yn digwydd mewn cyfnod tyngedfenol lle y disgwylir cyhoeddi LCO drafft yr iaith Gymraeg yn fuan.
16 Hydref 2008
| Mwy...
|
|
 Yn wyneb y pwysau brys i cau Ysgol Ysbyty Ystwyth mae Cymdeithas yr Iaith Gymraeg wedi cysylltu ag arweinydd Cyngor Ceredigion trwy lythyr, i ofyn a yw'n fwriad nawr gan y cyngor i dorri corneli yn ei hawydd i arbed arian trwy cael gwared ag ysgolion pentref. Cred y Gymdeithas fod y Cyngor wedi dwyn pwysau annheg yr wythnos hon ar rhieni'r ysgol.
8 Medi 2008
| Mwy...
|
|
 Fe baentiwyd sloganau ar ganghennau Boots yn Aberaeron a Llanbedr Pont Steffan neithiwr yn dweud "95% Uniaith Saesneg" ac fe godwyd sticeri yn galw am Ddeddf Iaith Newydd ar ganghennau 'Boots' yn Aberystwyth, Castell Newydd Emlyn, Caerfyrddin, a Llanelli ac ar gangen Superdrug yn Aberystwyth a Chaerfyrddin.
18 Mehefin 2008
| Mwy...
|
|
Mae Cymdeithas yr Iaith wedi tynnu sylw Gweinidog Addysg Cymru at lwyddiant ysgol fach 26 o blant yng Ngheredigion. Mae ysgol Dihewyd wedi derbyn adroddiad disglair gan y corff arolygu Estyn.
10 Ebrill 2008
| Mwy...
|
|
 Heddiw, ar ddiwrnod canlyniadau semester un y myfyrwyr mi fydd y myfyrwyr eu hunain yn dyfarnu graddau i Brifysgolion Aberystwyth a Bangor.
28 Chwefror 2008
| Mwy...
|
|
 Fe fydd aelodau o Gymdeithas yr Iaith yn picedi Caffi Costa, Aberystwyth ddydd Llun 18/2/08, ar ddiwrnod ei agoriad, mewn protest oherwydd diffyg parch llwyr y cwmni at yr iaith Gymraeg a'r gymuned leol. Anwybyddwyd llythyr y Cyngor Tref a ofynodd i'r cwmni i gyflwyno arwyddion dwyieithog ac anwybyddwyd rheolau y Cyngor Sir a ddywed mai siopau yn unig sy'n cael agor ar stryd fawr Aberystwyth.
14 Chwefror 2008
| Mwy...
|
|
2 Chwefror 2008
|
|
|
Cynhelir y Cyfarfod Cyffredinol ar Ddydd Sadwrn Chwefror 2il 2008 yng Nghanolfan Morlan, Aberystwyth, Ceredigion.
Trefn y Diwrnod
10.00am - Croeso.
10.30am - Adroddiad Ariannol ac Adroddiad Buddsoddi yn y Gymuned (Danny Grehan a Sel Jones).
11.00am - Adroddiad Ymgyrch Deddf iaith (Rhun Emlyn)
Cynigion Deddf Iaith
* Cyfrifoldeb Llywodraeth y Cynulliad (Cynigir gan y Grŵp Ymgyrchu Deddf Iaith Newydd)
* Y Gymraeg yn y Sector Breifat (Cynigir gan y Senedd)
* Y Gymraeg yn y Gwasanaeth Iechyd (Cynigir gan Grŵp Ymgyrchu Deddf Iaith Newydd)
11.30am - Adroddiad Ymgyrch Cymunedau Rhydd (Iestyn ap Rhobert)
Cynigion Cymunedau Rhydd
* Statws Cynllunio Llawn i'r Iaith Gymraeg (Cynigir gan y Grŵp Ymgyrchu Cymunedau Rhydd)
11.45am - Adroddiad Ymgyrchoedd Addysg (Ffred Ffransis)
Cynigion Addysg
* Dyfodol Ysgolion Pentrefol Gwynedd (Cynigir gan Grŵp Ymgyrchu Addysg)
* Gwleidyddiaeth Newydd gan Lywodraeth Cymru (Cynigir gan y Senedd)
* Ymgyrch i sefydlu Coleg Aml-Safle/Coleg Ffederal Cymraeg: (Cynigydd: Menna Machreth Eilydd: Rhys Llwyd)
12.15pm - Cynigion Cyffredinol
* Dyfodol Darlledu Drwy Gyfrwng y Gymraeg (Cynigir gan: Osian Rhys, Eilydd: Hywel Griffiths)
* Gweinyddiaeth Fewnol Cynghorau Sir Cymru (Cynigir gan: Angharad Clwyd, Eilydd: Dafydd Lewis)
* Swydd Newydd i’r Senedd – Cadeirydd Grŵp Dysgwyr a’r Di-Gymraeg (Cynigyr gan: Angharad Clwyd, Eilydd: Hywel Griffiths)
* Newid amseru’r Cyfarfod Cyffredinol (Cynigir gan: Ffred Ffransis, Eilydd: Sioned Elin)
* Adfer wal 'Cofiwch Dryweryn' yn Llanrhystud (Cynigir gan Rhanbarth Ceredigion)
12.45pm - Cyhoeddi canlyniadau etholiad am le ar Senedd Cymdeithas yr Iaith Gymraeg.
12.50pm - Araith Cadeirydd Cymdeithas yr Iaith Gymraeg
1.00pm - Torri i ginio
2.00pm - Etholiadau ar gyfer swyddi gwag a swyddi newydd ar y Senedd.
2.10pm - Sesiwn "Hybu'r Frwydr trwy'r Sin Gerddoriaeth Cymraeg".
Arweinir y sesiwn gan Toni Schiavone sydd wedi bod yn hyrwyddo gigs a labeli Cymraeg ers dros chwarter canrif ac a fu'n brif ysgogydd i'r "Cyrff" yn eu dyddiau cynnar. Cawn weld sut y mae bandiau trwy'r degawdau wedi defnyddio cerddoriaeth yn gyfrwng gwleidyddol a chawn drafod sut y gallai cyflwyniadau aml-gyfryngol, gigs, bandiau, cyhoeddiadau, deunydd wedi recordio - fod yn gyfryngau heddiw i godi ymwybyddiaeth a'r frwydr i sicrhau dyfodol i'r Gymraeg fel iaith gymunedol fyw ymhlith Cymry ifainc. Dyma sesiwn ymarferol y gall pawb gyfrannu ati - fel cerddorion, technegwyr, hyrwyddwyr ac unrhyw un arall sy'n mwynhau gigs a gwrando ar gerddoriaeth Cymraeg
3.40pm - Gorffen - Ymlaen i wylio Cymru yn curo Lloegr!
2 Chwefror 2008
|
|
|
 Am y tro cyntaf erioed dangosir ffilm yng Nghyfarfod Blynyddol Cymdeithas yr Iaith sy’n cychwyn am 10.30am Sadwrn nesaf (2/2) yng Nghanolfan y Morlan, Aberystwyth. Dangosir y ffilm “Diwrnodau Olaf Ysgol Mynyddcerrig” yn union cyn bod y Cyfarfod yn trafod cynnig i roi cefnogaeth weithredol i’r don gyntaf o ysgolion pentrefol Cymraeg sydd tan fygythiad yng Ngwynedd.
1 Chwefror 2008
| Mwy...
|
|
Fe neilltuir lle arbennig i Ddeddf Iaith yng Nghyfarfod Cyffredinol Cymdeithas yr Iaith Gymraeg eleni. Cynhelir y Cyfarfod Cyffredinol yng Nghanolfan Morlan, Aberystwyth dydd Sadwrn Chwefror 2 rhwng 10am a 3.30pm. Cynhelir gem rygbi rhyngwladol yn Twickenham rhwng Cymru a Lloegr yn syth wedi'r Cyfarfod am 4pm.
30 Ionawr 2008
| Mwy...
|
|
 Cafodd cynghorwyr yng Ngheredigion eu beirniadu am ganiatáu ceisiadau cynllunio gan siaradwyr Cymraeg er bod argymhelliad i'w gwrthod.
Dywedodd Angharad Clwyd, cadeirydd Rhanbarth Ceredigion, eu bod nhw'n cefnogi penderfyniad y cynghorwyr i gefnogi pobl leol.
24 Ionawr 2008
| Mwy...
|
|
 Am dri chwarter awr heddiw bu 50 o aelodau Cymdeithas yr Iaith Gymraeg yn protestio tu allan i Siop Morrisons yn Aberystwyth. Roedd presenoldeb cryf o'r heddlu yno a daeth y brotest i ben pan gyflwynodd Hywel Griffiths, Cadeirydd Cymdeithas yr Iaith, lythyr i reolwr y siop. Hon oedd yr ail mewn cyfres o dair protest yn erbyn Morrisons a gynhelir gan y Gymdeithas.
1 Rhagfyr 2007
| Mwy...
|
|
Protest Morrisons Aberystwyth
2.30pm, Sadwrn Rhagfyr 1.
1 Rhagfyr 2007
| Mwy...
|
|
Mr Huw, Amheus, Slapar
Nos Wener 30/11/07, 9pm, £4
Y Cwps, Aberystwyth
Cymdeithas yr Iaith Gymraeg
30 Tachwedd 2007
|
|
|
Nos Fercher, 12ed Medi 7pm,
Llew Du (Lan Stâr), Aberaeron
12 Medi 2007
|
|
|
Taith Tafod 2 - Clwb Pel-droed Aberystwyth
Nos Wener 27ain Ebrill 2007
Cowbois Rhos Botwnnog
Yucatan
Jen Jeniro
Tocynnau: £4 o flaen llaw neu £5 ar y noson. Am fwy o fanylion e-bostiwch owain@cymdeithas.com
Pwyswch yma i ddarllen mwy am gigs Taith Tafod 2
27 Ebrill 2007
|
|
|
Gig Cyf Cyff CYIG
Mattoidz
Derwyddon Dr. Gonzo
Plant Duw
Y Rods
Nos Sadwrn 10fed o Fawrth
£5, 8yh, Clwb Pel-Droed
Aberystwyth
10 Mawrth 2007
|
|
|
 Mae Cymdeithas yr Iaith Gymraeg o'r farn fod y Blaid Lafur yn graddol newid ei thiwn ar gwestiwn Deddf Iaith. Mewn cyfarfod yn Ysgol Penweddig, Aberystwyth neithiwr (Nos Iau Chwefror 15) cafodd Rhodri Morgan ei holi gan aelodau'r Gymdeithas beth fyddai gan y Blaid Lafur i'w ddweud ar yr iaith Gymraeg yn ei Maniffesto ar gyfer Etholiadau'r Cynulliad.
Pwyswch yma i weld fideo o'r digwyddiad...
16 Chwefror 2007
| Mwy...
|
|
Y FFYRC
Y REI
AMLDER
BABAN SGWIRAL
Clwb Pêl Droed, Aberystwyth
8pm, Nos Wener 24 Tachwedd
24 Tachwedd 2006
|
|
|
 Mae Cymdeithas yr Iaith wedi ymateb yn chwyrn i benderfyniad Bwrdd Gweithredol Cyngor Ceredigion i gyhoeddi pob adroddiad a dogfen ar eu gwefan yn Saesneg gyda nodyn y cant eu cyfieithu i'r Gymraeg fel y bydd adnoddau'n caniatau.
24 Tachwedd 2006
| Mwy...
|
|
 Am 12.30pm heddiw (Dydd Sadwrn 14/10), gorymdeithiodd tua 100 o aelodau Cymdeithas yr Iaith Gymraeg draw at ‘Ystwyth Retail Park’, yn Aberystwyth, i gynnal Rali Brotest. Yn ystod y brotest, cafodd pedwar aelod o Gymdeithas yr Iaith Gymraeg eu harestio - Gwenno Teifi, Geraint Edwards, Ceri Phillips a Siwan Tomos - am chwistrellu'r geiriau ‘Deddf Iaith Newydd’ ar flaen siop Brantano.
14 Hydref 2006
| Mwy...
|
|
 Heddiw (Sadwrn, Mehefin 10) yn ei Gwyl Fawr dros Ddeddf Iaith Newydd, a gynhelir yn y Neuadd Fawr yng Nghanolfan y Celfyddydau, Aberystwyth, bydd Cymdeithas yr Iaith Gymraeg yn galw ar bob un o wrthbleidiau’r Cynulliad i gydweithio er mwyn sicrhau bod y Llywodraeth Lafur yn ymateb i’r angen am Ddeddf Iaith Newydd. Bydd yr alwad hon yn adlewyrchu’r ffaith fod yna gonsensws bellach i’w weld yn datblygu o blaid deddfwriaeth gryfach a bod felly angen ymgyrch unedig er mwyn dwyn pwysau ar y Llywodraeth.
10 Mehefin 2006
| Mwy...
|
|
 Bore fory (Gwener 9/6/06), cynhelir cyfarfod pwysig rhwng Cymdeithas yr Iaith Gymraeg a chynrychiolwyr o'r Blaid Geidwadol er mwyn trafod yr angen am Ddeddf Iaith Newydd. Yn dilyn y datganiadau diweddar gan Fwrdd yr Iaith Gymraeg, Plaid Cymru a'r Democratiaid Rhyddfrydol (a oedd oll yn cefnogi'r alwad am Ddeddf Iaith Newydd) mae'r cyfarfod hwn yn arwydd pellach fod y drafodaeth ynglyn a deddfwriaeth iaith yn symud yn ei blaen.
8 Mehefin 2006
| Mwy...
|
|
 Dydd Sadwrn (Mehefin 10), cynhelir seremoni arbennig i anrhydeddu cyfraniad Eileen Beasley i fywyd cymru. Dyma'r wraig a adnabyddir gan lawer fel Rosa Parks y mudiad iaith.
5 Mehefin 2006
| Mwy...
|
|
 Mae 6 aelod o Gymdeithas yr Iaith wedi llwyddo i fynd ar dô Prifysgol Bangor i ymuno a'r 15 aelod sydd wedi bod ar dô Prifysgol Aberystwyth am yr awr ddiwethaf. Mae'r 21 aelod yma yn ogystal a 3 aelod pellach sydd yno'n cefnogi criw Bangor, yn cymeryd rhan mewn protest yn galw am Goleg Aml-safle Cymraeg.
3 Mai 2006
| Mwy...
|
|
28 Ebrill 2006
|
|
|
 Heddiw (Sadwrn 25, Mawrth), yng Nghyfarfod Cyffredinol Cymdeithas yr Iaith Gymraeg yn Aberystwyth, bydd aelodau yn clywed bod dadleuon y mudiad o blaid Deddf Iaith Newydd bellach wedi ennill cefnogaeth eang ymhlith cyrff a phleidiau gwleidyddol ar draws Cymru. Ymhellach, clywir am dystiolaeth rhyngwladol sydd yn cadarnhau fod deddfwriaeth o’r fath yn allweddol os am ehangu’r defnydd o’r iaith Gymraeg.
25 Mawrth 2006
| Mwy...
|
|
 Dydd Sadwrn yma, (Mawrth 25ain) bydd Cyfarfod Cyffredinol Cymdeithas yr Iaith Gymraeg a gynhelir yn Aberystwyth, yn cael cyfle i glywed tystiolaeth rhyngwladol o bwysigrwydd deddfwriaeth gadarn yn y dasg o adfer iaith leiafrifol.
23 Mawrth 2006
| Mwy...
|
|
 Danfonodd Rhanbarth Ceredigion o Gymdeithas Yr Iaith lythyr at Carwyn Jones, Gweinidog Amgylchedd, Cynllunio a Chefn Gwlad Llywodraeth y Cynulliad, heddiw gan son am eu pryder ynglyn â chasgliadau'r Ymchwiliad Cyhoeddus a gynhaliwyd i gynnwys Cynllun Datblygu Unedol Cyngor Ceredigion.
8 Mawrth 2006
| Mwy...
|
|
Mae Cymdeithas yr Iaith Gymraeg wedi beirniadu’n hallt gasgliadau’r Ymchwiliad Cyhoeddus a gynhaliwyd i gynnwys Cynllun Datblygu Unedol Cyngor Ceredigion. Yn nhyb y mudiad, mae canfyddiadau’r arolygwyr – Mr Alwyn Nixon a Ms Stephanie Chivers – yn dangos fod yna anallu sylfaenol o fewn y drefn gynllunio bresennol i ymdrin yn effeithiol ag anghenion yr iaith Gymraeg.
23 Chwefror 2006
| Mwy...
|
|
 Pan ddaw Rhodri Morgan - Prif Weinidog Cymru - i Neuadd Goffa Penparcau i annerch Plaid Lafur Aberystwyth (Nos Fercher 22ain), bydd yn dod wyneb yn wyneb â Gwenno Teifi, aelod o Gymdeithas yr Iaith Gymraeg a garcharwyd am bum niwrnod yr wythnos ddiwethaf am ei safiad dros Ddeddf Iaith newydd.
21 Chwefror 2006
| Mwy...
|
|
 Daeth bron i 100 o bobl i orsaf drennau Aberystwyth am 3pm heddiw i groesawu Gwenno Teifi yn ol i Gymru, ar ol cyfnod mewn carchar yn Sir Gaerloyw.
15 Chwefror 2006
| Mwy...
|
|
 Bydd 28 o fyfyriwr Prifysgol Cymru Aberystwyth a Bangor, yn cynnal ympryd rhwng 9yb heddiw hyd nes i Gwenno Teifi gael ei rhyddhau o'r carchar, er mwyn dangos cefnogaeth iddi a'i safiad dewr dros Ddeddf iaith Newydd, yn dilyn ei charchariad gan Llys Ynadon Caerfyrddin ddoe.
14 Chwefror 2006
| Mwy...
|
|
Am 10 y bore yma fe fydd Cabinet Cyngor Sir Ceredigion yn cyfarfod i drafod rhai o gasgliadau yr Arolygwyr annibynol a arweiniodd yr ymchwiliad cyhoeddus a oedd yn edrych ar Gynllun Datblygu Unedol y sir. Yn nhyb Cymdeithas yr Iaith Gymraeg, mae honiadau arweinwyr Cyngor Ceredigion ynglyn â chasgliadau yr Ymchwiliad Cyhoeddus hwn yn gamarweiniol. Yn groes i'r adroddiadau sydd wedi ymddangos yn y wasg hyd yn hyn, mae adroddiad yr Arolygwyr Mr Alwyn Nixon a Ms Stephanie Chivers yn cynnwys nifer o newidiadau a beirniadaethau penodol.
25 Ionawr 2006
| Mwy...
|
|
Mewn cyfarfod y prynhawn yma gyda phrif Swyddogion a Chynghorwyr Ceredigion, bydd dirprwyaeth o Gymdeithas yr Iaith yn llongyfarch y Cyngor ar eu hymrwymiad at ysgolion pentref sydd yn cymharu'n ffafriol iawn gyda pholisiau dinistriol Cyngor Sir Gar. Ond bydd y Gymdeithas yn dweud wrthynt bod gwendid sylfaenol yn eu hargymhellion i adolygu ysgolion, a gynhwysir mewn papur ymgynghorol cyfredol.
4 Ionawr 2006
| Mwy...
|
|
 Dros nos bu aelodau o Gymdeithas yr Iaith Gymraeg allan yn gweithredu dros Ddeddf Iaith newydd yn Aberystwyth drwy ludio sticeri 'Ble Mae'r Gymraeg' a Deddf Iaith Newydd ar siopau a busnesau yn y dre.
28 Hydref 2005
| Mwy...
|
|
 Dros yr wythnos nesaf, bydd Cymdeithas yr Iaith Gymraeg yn parhau gyda'r daith drwy Gymru i ledaenu ymwybyddiaeth ynglŷn â’r angen am Ddeddf Eiddo.
5 Mehefin 2005
| Mwy...
|
|
Fel rhan o’r ymgyrch dros Ddeddf Iaith Newydd bu aelodau o Gymdeithas yr Iaith Gymraeg yn Aberystwyth neithiwr yn glynu sticeri ar siopau cadwyn, banciau a Chymdeithasau Adeiladu yn y dref. Roedd y sticeri hyn yn galw am 'Ddeddf Iaith Newydd' .Ymysg y siopau a dargedwyd roedd Woolworth, Barclays, Abbey, Burtons, Subway a Dorothy Perkins.etc. Roedd hyn yn dilyn ymgyrch debyg yn Aberteifi a’r Trallwng yn gynharach yn yr wythnos.
27 Mai 2005
| Mwy...
|
|
1 Ebrill 2005
|
|
|
Mewn cyfarfod bore yma gydag arweinydd a phrif weithredwr Cyngor Ceredigion, cyflwynodd Cymdeithas yr Iaith eu galwad am sefydlu gweithgor arbennig er mwyn cynnal arolwg brys o sefyllfa’r iaith Gymraeg yng Ngheredigion.
1 Ebrill 2005
| Mwy...
|
|
CMae dau gorff sydd wedi bod yng ngyddfau ei gilydd yn aml dros y blynyddoedd diwethaf wedi cytuno i gyfarfod. Bydd dirprwyaeth o aelodau Cymdeithas yr Iaith Gymraeg yn cyfarfod rhai o gynghorwyr a swyddogion blaenaf Cyngor Ceredigion am 10 o’r gloch bore dydd Gwener Ebrill 1af.
18 Mawrth 2005
| Mwy...
|
|
15 Mawrth 2005
| Mwy...
|
|
 Daeth croesdoriad o fudiadau a sefydliadau Cymreig i’r Fforwm Genedlaethol ar Ddeddf Iaith a drefnwyd gan Gymdeithas yr Iaith Gymraeg ddydd Sadwrn yn Aberystwyth.
14 Mawrth 2005
| Mwy...
|
|
 Heddiw mae Cymdeithas yr Iaith Gymraeg wedi beirniadu aelodau o Bwyllgor Diwylliant y Cynulliad Cenedlaethol am nad oes dim un ohonynt wedi cytuno i dderbyn gwahoddiad i fynychu’r Fforwm Genedlaethol ar Ddeddf Iaith Newydd a gynhelir yn Aberystwyth y dydd Sadwrn hwn.
9 Mawrth 2005
| Mwy...
|
